IEO-IDECO sector edicion-difusion de l'IEO

L'IDECO es lo sector edicion e difusion de l'Institut d'Estudis Occitans. Basat a Pueglaurenç, l'IDECO assegura d'un costat l'edicion de libres en occitan o sus la lenga e la cultura occitanas – çò que representa alentorn de 80 % daus libres publicats en occitan –, e, d'un autre costat, la difusion de la màger part de la produccion culturala occitana.
IEO-IDECO

Ofici per l'occitan

L'Ofici per l'occitan es una associacion afiliada a l'IEO qu'a per tòca de desvelopar un certificat d'usança de l'occitan dins los comercis e artesans, productors, fabricas bèlas o P.M.E., professions liberalas, medias, sectors associatius e sindicals, lo certificat "òc per l'occitan!".
Ofici per l'occitan

Escòla Occitana d'Estiu de Vilanòva d'Òlt (EOE)

L'Escòla Occitana d'Estiu es una associacion afiliada a l'IEO qu'organiza dempuei 1975 una setmana d'estagi sus la lenga e la cultura occitans au mes d'agust, a Vilanuèva d'Òlt (departament d'Òlt-e-Garona). Dempuei un an, organiza de mai un estagi d'invern entre Nadau e lo prumier de l'an a Germ, dins los Pireneus, a costat de l'estacion d'esquí de Peiraguda.
L'EOE publica tanben una revisda, Camin d'estiu.

Universitat Occitana d'Estiu de Nimes (UOE)

L'Universitat Occitana d'Estiu (UOE) es organizada chada an per la MARPOC - associacion afiliada a l'IEO - e la seccion de Gard de l'IEO. Quo es una setmana dedicada a la coneissença de la cultura occitana que se debana a Nimes pendent
l'estiu.
UOE